In data 21.12.2012, el Presidente del el Governo Nasionae Veneto, N.H. Gabiele de Pieri, se gà presentà inte a sede de a Pretura de Sitadea par comunicare a ła Aministrasion italiana el difeto asołuto de Giurisdision so i Teritori Veneti e so el Popoło Veneto, prexensa che a se ga riveà necesaria in cuanto obligà a conparire pena condana in contumacia.

Presentà el documento de "Dichiarazione formale di difetto assoluto di giurisdizione dello Stato italiano ad amministrare la giustizia nei Territori Veneti appartenenti al Popoło Veneto", el giudice italian ga sospexo a condana che el gaveva xa redato e el ga riconosùo ła propria inconpetensa a prosedare, rinviando a data da destinarse, inte a sede de Corte d'Appello de Venesia, na nova udiensa.

Oncò xe sta ciarìo che el giudisio so el Popoło Veneto non l'è efetuabiłe e i tribunai italiani i se ga riveà inadati a risolvare e dirimare e cuestiòn tra Aministrasion itailana e Popoło Veneto, esendo i primi in difeto asołuto de giurisdisiòn ne i confronti de el Popoło Veneto so i Teritori Veneti. Informemo che el Presidente, N.H. Gabriele de Pieri, inisialmente ritenùo inputà da a giustisia italiana, che el doveva presensiare senplicemente a ła condana xa formaisada par oltrajo a publico uficiae, dopo a depoxision a i ati de el Documento sopracità, no l'è sta pì considerà come jera ne e premese de el Stato italian, ribaltando el giudisio.

Con gran scandao del publico magistrato e de l'avocato de l'acuxa, el Presidente N.H. Gabriele de Pieri, xè vegnùo fora da l'aula vinsidor e ingiudicà par stesa amision de inconpetensa a esprimare giudisio da parte de el giudice de a Pretura de Sitadea.