Mesajo dal Presidente

Mesajo del Presidente.

Agiornamento 13 setenbre 2014

Carisimo Amigo Veneto,

cuando go creà el Governo Nasionae Veneto, lo go fato al fine de risvejare, da un coma secołare, el Popoło Veneto.

El Popoło Veneto xe un Sogeto Giuridego ke no ghe manca gnente par exercitare i sò diriti in piena libertà, basta ła volontà.

Mi no go acetà coesto. El senso de giustisia che me anima xe ła fede che ripongo ne el nostro Popoło, ke no me ga conceso de arestarme. Sacrificando a me vita comoda, ’ndando incontro a un destin in tuto e par tuto no ciaro, savendo de trovare un mondo inpreparà a ła nostra sacrosanta decixion, insieme a altri Nobil Homeni, fedełisimi a San Marco, go ripudià e rinuncià a ła sitadinansa italiana. Ghemo decixo de existar soło da Veneti.

Ghemo rinuncià a ła sitadinansa italiana, che ecuivałe a no vołère pì raprexentarne atraverso łe istitusion italiane, ła połitica, l’aparato giuridego, łe lexi… Ghemo creà cosita na Autorità Giuridega Fondamentałe oltre coalsiasi posibiłe conesion e derivasion che podese tradire a peculiarità Veneta. A Nasion Veneta ga creà na originaria forma de Stato Veneto, sensa esare confondibiłe come un ato de disidensa de un privato italian, ma da far cresare e rinvigorire.

Coesto xe el dono che el Governo Nasionae Veneto fa ai Veneti. El nostro dexiderio sarìa che ve unisi a ła Comunità Veneta che xe drio ricreare sto mondo oltre l’Italia, dimostrandove che a libertà no se domanda, ma la se exercita. Acuixì a nasionałità Veneta. Rendemo senpre pì forte sta inisiałe realtà matura conpletamente giuredigamente.

L’“Anagrafe Storica del Popoło Veneto” xe el strumento gratuito par percorare insieme sto camin. Iscrivarse a l’“Anagrafe Storica del Popoło Veneto” xe dichiarare de esare consapevołi de esare Titołari de a Sovranità originaria so i Teritori Veneti e de aderire a l’inisiativa che ghemo lancià.

Xe necesario iscrivarse a l’“Anagrafe Storica del Popoło Veneto” parché no basta pì pensarse Veneti in Italia par esarlo. Sensa ris-ci , te ricevarisi e te farisi parte de chel mondo che oltre a l’Italia semo drio dare vita. Coesta xe na reałe Dichiarasion de Indipendensa. No’antri a ghemo inisiada. Vorisimo soło che te ghe ne faxesi parte. El costo? Nesuno.

Contatane par vegnère informà so a nostra Proposta.

Coordinatore tel 3397019211 E- mail: Questo indirizzo email è protetto dagli spambots. È necessario abilitare JavaScript per vederlo.

El moduło de l’ anagrafe te ło trovi so : documenti/modułistica e autocertificasion

Link: http://www.governonasionaeveneto.org/modulistica-e-autocertificasion?task=download&id=16

Loreja, 20/12/2012

Gabriele De Pieri
Presidente del Governo Nasionae Veneto

Stampa Email